У платформы «Новая Беларусь» няма ўласнай зарэгістраванай юрыдычнай асобы ў Польшчы і Літве, таму ў гэтых краінах мы супрацоўнічаем з надзейнымі партнёрамі.
 

У Польшчы ў гэтым годзе тыя ж самыя партнёры, што і летась: фундацыі Tutaka і FaniMani. Фундацыя Tutaka месціцца на Падляшшы, ладзіць фестывалі беларускай культуры, адукацыйныя праекты і іншы цікавы беларускі культурны варушняк. FaniMani — польская фундацыя, якая дапамагае мясцовым і міжнародным кампаніям і грамадскім установам збіраць грошы на важныя справы.
 

Партнёр праекту ў Літве — арганізацыя ZUBR.IN, якая займаецца грамадзянскім кантролем па палітычных і сацыяльных пытаннях (нагляданне за выбарамі, маніторынг судоў і сістэмы аховы здароўя).
 

Гэтыя ўстановы маюць добрае імя, надзейную рэпутацыю і зацікаўленасць у падтрымцы і развіцці беларускай супольнасці, таму мы перакананыя ў нашай паспяховай сумеснай працы. Частка грошаў, якія паступяць партнёрам, пойдзе на кампенсацыю іх аперацыйных выдаткаў. Так, фундацыя FaniMani возьме камісію 10% ад паступленняў, Tutaka і ZUBR.IN — па 5% на аперацыйныя выдаткі (паслугі бухгалтара, банкаўскія пераказы, друк дакументаў і г.д.). «Новая Беларусь» ніякіх камісій ад паступленняў не бярэ.